بالفيديو: شاعر الغربة شربل بعيني يبكي أطفال الجالية اللبنانية

إلى أرواح مجموعة أطفال مغتربين ماتوا دهساً بسيارة رجل سكران:

يمكنكم مشاهدة دمعة شربل بعيني:

رح ضلّ إسأل: ليش يا ألله -

بتضلّ فينا هيك تتسلى

تركنا الوطن تا نعيش بالهجران

وما ضلّ فينا طفل ما صلّى
ـ2

تاري الصلا ما بتبعد السكران

عيون الطفوله قادر يذلاّ

مبارح دعس أطفال من لبنان

بيسووا يا أللـه هالدني كلاّ

ـ3ـ

طيور السما.. بنيات مع صبيان

طاروا لعندك.. مجدك تجلى

أنت الإله الخالق الأكوان

ليلى الامومه شو رح تقلا

-4-

جايي تا اشكي وتسمع الأزمان

ليش ايد العدل بتشلا

بشوفك ع طول يترحم الزعران

أما الاوادم.. أخ يا دلا

-5-

عيال عاشوا بحب ويإيمان

ليش تركت هالشرّ يوصلاّ

رحام قلب الأم يا ديّان

ما في حكي بيقدر يعزّي قلوب

عيلة صقر مع بيت عبدالله